Burime të Veriu.info kanë bvërë të ditur se sot në mëngjes është gjetur një person pa shenja jete në një banesë, vdekje kjo e cilësuar si e dyshimtë.
Rastin për Veriu.info e ka konfirmuar zëdhënësi i policisë për rajonin e Mitrovicës së jugut, Avni Zahiti, i cili ka thënë se për rastin është pranuar informatë rreth orës 08:20.
“Sot, rreth orës 08:20 , Policia ka pranuar informatën se në një banesë në Mitrovicën e Jugut, është gjetur pa shenja jete një mashkull, 25-vjeçar. Njësitë policore dhe ekipi mjekësor kanë dalë në vendin e ngjarjes, ku është konstatuar vdekja e viktimës”, ka thënë Zahiti për Veriu.info.
Ai ka bërë të ditur se me urdhër të Prokurorit, pas ndërmarrjes së veprimeve të nevojshme hetimore, trupi i pajetë është dërguar në Institutin e Mjekësisë Ligjore (IML) për obduksion.
