Drejtori i Drejtorisë së Shëndetësisë në komunën e Vushtrrisë, Lorik Maxhuni ka treguar se gjatë një vizitë në një Ambulancë Mjekësore Familjare, është evidentuar mungesa e një mjeku dhe një pjese të stafit shëndetësor në vendin e punës, transmeton VeriuInfo.
Ai ka bërë të ditur se si rrjedhojë e kësaj një mjeke, një laborant dhe një infermiere kanë marrë masë disiplinore dhe në raste të përsëritjes do të ketë suspendim.
Postimi i Lorik Maxhuni:
Në një vizitë në një Ambulancë Mjekësore Familjare, u evidentua mungesa e një mjeku dhe një pjese të stafit shëndetësor në vendin e punës. 😔
Si rrjedhojë, 1 mjeke, 1 laborant dhe 1 infermiere kanë marrë masë disiplinore dhe në raste të përsëritjes do të ketë suspendim. 🫷
Unë e kuptoj punën e vështirë dhe lodhjen që ata mund të përjetojnë gjatë ushtrimit të profesionit, prandaj ne po punojmë çdo ditë për të përmirësuar kushtet e tyre të punës. Por mungesa në vendin e punës në mes të ditës nuk arsyeton askënd, sjellja e pakujdesshme nuk ka vend. ❌
Do të ketë zero tolerancë! 🚫
Mungesa e tyre në vendin e punës, mund të jetë humbje e madhe për dikë.
Për fund, këtë sjellje nuk e meritojnë qindra profesionistë shëndetësorë që punojnë pa hile me përgjegjësi dhe nder. Prandaj, nuk do të tolerojmë që disa individë të ndikojnë negativisht në imazhin e tërë institucionit. 🙏🏥👩⚕️👨⚕️
