Ministria e Bujqësisë që drejtohet nga Faton Peci ka dhënë edhe një tender për larje të veturave. Për pastrimin e veturave do të shpenzohen 6 mijë euro. Një tender të tillë në vlerë të 3 mijë eurove ky institucion ka dhënë edhe në muajin shtator të vitit të kaluar.
Ministria e Bujqësisë ka nis vitin 2025 më përkujdesje për vetura.
Gjatë ditës së djeshme ky institucion që drejtohet nga Faton Peci ka dhënë një tender në vlerë të 6 mijë eurove për pastrim të veturave.
Ky tender është dhënë në fund të mandatit të kësaj qeveria, pasi tashme siç dihet zgjedhjet e reja do të mbahen më 9 shkurt.
Kontrata mes kompanisë fituese dhe ministrisë do të nënshkruhet nesër, shkruan Demokracia.com.
“Pastrimi i automjeteve për nevojat e MBPZHR-së. Data e dhënies së kontratës 14.01.2025. Data e planifikuar e nënshkrimit të kontratës 16.01.2025. Numri i tenderëve të pranuar: 2 Emri dhe adresa e operatorit ekonomik, të cilit i është dhënë kontrata GMM Group SH.P.K. Vlera e përgjithshme e kontratës 5,988.00 euro”.
Ministria e Bujqësisë ka vendosur edhe dy kërkesa për kompaninë fituese.
“Kërkesa 1: Operatori Ekonomik duhet që të ketë së paku një objekt për larjen e automjeteve me së paku tri vende-kabina për larjen e automjeteve”
Kurse në kërkesën tjetër thuhet se objektet-autolarjet duhet të jenë jo më larg se 5 kilometra nga qendra e qytetit në Prishtinë.
“Objektet-autolarjet duhet të jenë jo me larg se 5 Kilometra nga zyrat e MBPZHR-së Ndërtesa e ish Ramiz Sadikut Rr.: “Ukshin Hoti”, bazuar në rrugën më të afërt tokësore të asfaltuar”.
Në dosjen e tenderit tregohet se me këto para do të pastrohen 37 vetura të ndryshme. Ato do të dërgohen në autolarje 1200 herë.
Demokraci.com ka raportuar edhe në muajin shtator të vitit që kemi lenë pas se Ministria e Bujqësisë që drejtohet nga Faton Peci ka dhënë një tender për larje të veturave. Pastrimi i tyre do të bëhet me shampon brenda e jashtë dhe do të shpenzohen afro 3 mijë euro.
“Pastrimi i automjeteve të MBPZHR-së me shampon brenda dhe jashtë. Vlera e parashikuar e kontratës: 3,000.00 euro. Data e dhënies së kontratës 28.08.2024. Data e planifikuar e nënshkrimit të kontratës 03.09.2024. Numri i tenderëve të pranuar: 2. Emri dhe adresa e operatorit ekonomik, të cilit i është dhënë kontrata AJANI & ADAMI. Vlera e përgjithshme e kontratës 148.00 euro”.
