Drejtori i KIPRED, Lulzim Peci ka reaguar pas fjalimit të kryeministrit Albin Kurti ku kërcënoi mediat në Kosovë.
Peci përmes një shkrimi në llogarinë e tij në Facebook, ka thënë se Kurti nuk zgjodhi audiencën e duhur në Nju Jork.
“Kryeministri Kurti nuk e ka zgjedhur audiencen e duhur ne New York, dhe sidomos kryesuesin e socialisteve, Kryeministrin e Spanjes Pedro Sanchez per te thene ate qe e ka thene aty!
Projektimi i qeverive te kaluara te Kosoves si “regjim i vjeter” thuajse fitorja VV te kishte ardhur permes revolucionit, e jo me zgjedhje te lira, te cilat u pranuan menjehere nga partite tanime opozitare, nuk i bene nder as vendit dhe as qeverise se tanishme. Per me teper, zgjedhja e ketij tubimi per te sulmuar mediat ne Kosove nga Neë Yorku, me siguri se e ka lene syhapur Sanchezin!”. – ka shkruar ai.
Ai ka treguar shembuj se si opozita dhe një pjesë e mediave spanjolle, për një kohë ia shqiptuan qëllimisht keq emrin kryeministrit Pedro Sanchez.
Kështu, Peci ka thënë se në vend që të kërkonte mbylljen e tyre, Sanchez e përqafoi këtë pseudonym dhe me këtë qasje, arriti të fitojë votues të rinj.
“Pse po e them kete? Opozita e djathte spanjolle dhe nje pjese e mediave per nje kohe mjaft te gjate e kane keqshqiptuar qellimisht emrin e kryeministrit Pedro Sanchez si “Perro Sanchez” – ne shqip “Qeni Sanchez”.
Ne vend se te kerkonte mbylljen e mediave dhe hapjen e lendeve ne gjykata, Kryeministri Sanchez e perqafoi kete pseudonim denigrues te opozites dhe mediave kundershtare, duke e be edhe nje meme “Perro Sanxe” apo Qeni Sanxe”. Me kete qasje ai arriti qe t’i beje per vete shumicen e votuesve te rinje spanjoll. Keshtu Sanchezi luftoi ne zgjedhet e pergjithshme ne vitin e kaluar, dhe u be perseri kryeminister, perkunder te gjitha gjasave per humbje! “
Në fund, ai ka ironizuar:
“Perndryshe, ne vijim te sukseseve ne politiken e jashtme, rekomandoj qe lobuesit ne Spanje t’ia rritni te ardhurat mujore ne 10,000 Euro”.
