6 korriku i vitit 2021 ishte ditë e dhimbshme për familjen Zhabari, por jo vetëm, ishte dhimbje për të gjithë ata që njohën Blerim Zhabarin, një njeri dhe profesionist i jashtëzakonshëm.
Blerim Zhabari ndërroi jetë pesë vite më parë, duke u ndarë fizikisht nga kjo botë, por vepra madhore e tij kombëtare e profesionale do të jetojë përgjithmonë.
Zhabari la Zvicrën dhe iu bashkua Ushtrisë Çlirimtare të Kosovës në moshë shumë të re, duke lënë një jetë të mirë në Evropë për t’i bashkangjitur lëvizjes për lirinë e Kosovës të cilën e deshi dhe e meritoi aq shumë.
Vepra kombëtare e përcolli Blerimin deri në frymën e fundit, të cilën e ruajti me shumë përkushtim dhe dashuri.
Ai ishte edhe bashkëthemelues i njërës nga mediat më të njohura në Kosovë, gazetës inline Veriu info, së bashku me bashkëpunëtorin, Gazmend Morina.
Gazeta online Veriu info nga viti 2023 ka filluar dhe vazhdon tradicionalisht ndarjen e çmimit për gazetari “Blerim Zhabari”.
Sot stafi i Veriu info e kujton Blerimin plotë dhimbje, dhe njëkohësisht plotë krenari, pasi la pas një vepër rrallë të përsëritshme.
Blerimi për shumë vite punoi në komunën e Vushtrrisë.
La pas gruan dhe dy fëmijë.
