Përmes një baneri të vendosur në sheshin e Mitrovicës, nga ora 12:00 për sot është paralajmëruar protestë përpara menaxhmentit të minierës “Trepça” në hyrje të qytetit të Mitrovicës, por që nuk janë bërë të ditur organizatorët e kësaj proteste.
Veriu.info ka kontaktuar më zëdhënësin e policisë për rajonin e Mitrovicës së jugut, Avni Zahiti, duke e pyetur se a është lajmëruar kjo protestë në polici ashtu siç e parasheh ligji, ku ai ka treguar se e njëjta nuk është lajmëruar.
I pyetur se a i dinë policia emrat e organizatorëve, Zahiti është përgjigjur shkurt me “jo”.
Ndryshe, në banerin paralajmërues të vendosur mbrëmë shkruan:
“Ata ishin ndër të parët që i thanë stop padrejtësive ndaj shqiptarëve, prandaj është koha jonë të themi stop padrejtësive ndaj minatorëve. Minatorë, Kosova është e juaja e ne jemi me ju”, thuhet ndër të tjera në pankartë.
