Veriu.info
  • Ballina
  • Lajme
  • HULUMTIME
  • Sport
  • Ekonomi
  • ShowBiz
  • Lifestyle
  • Ndryshe
  • Opinione
  • Tech
  • Kuriozitete
  • Impresum
Nuk u gjet asgjë!
Të gjitha rezultatet
Veriu
  • Ballina
  • Lajme
  • HULUMTIME
  • Sport
  • Ekonomi
  • ShowBiz
  • Lifestyle
  • Ndryshe
  • Opinione
  • Tech
  • Kuriozitete
  • Impresum
Nuk u gjet asgjë!
Të gjitha rezultatet
Nuk u gjet asgjë!
Të gjitha rezultatet
Veriu

Prapaskenat e bisedave në WhatsApp – linçimi i kryeinxhinierit, shkak tenderi për të afërmit e deputetit

04/02/2025 - 17:07
në Kryesore, Lajme
A A
Prapaskenat e bisedave në WhatsApp – linçimi i kryeinxhinierit, shkak tenderi për të afërmit e deputetit
Shpërndaje në FacebookShpërndaje në Whatsapp

Beteja për një tender disa miliona eurosh mund t’i ketë kushtuar me vend të punës kryeinxhinierit të Korporatës Energjetike të Kosovës (KEK), Bekim Lushaku.

Lushaku, linçohet dhe quhet “manipulant” nga “kokat” e pushtetit qeverisës në një komunikim mes vete në një grup në platformën WhatsApp.

Paparaci ka publikuar të hënën dhe të marten në dy seri shkrimesh biseda të zhvilluara në WhatsApp mes Albin Kurtit, Dejona Mihalit, Nagip Krasniqit, Artane Rizvanollit dhe një këshilltari të saj. Komunikimet ishin pjesë e hetimeve penale që rezultuan me dy aktakuza për korrupsion ndaj ish-kryeshefit të KEK-ut, Nagip Krasniqi.

Njëra nga bisedat, të zhvilluara në tetor të vitit 2022, dëshmon se si emri i Bekim Lushakut lakohet në kontekst negativ nga Nagip Krasniqi dhe Dejona Mihali, koordinatorja e Komiteteve në Lëvizjen Vetëvendosje.

Shkak pretendohet të ketë qenë implikimi i dyshuar i kryeinxhinierit të KEK në një procedurë tenderuese, tregojnë bisedat e publikuara nga Paparaci.

“A e njihni ndonjëri kryeinxhinierin Bekim Lushaku në TC Kosova A? Çka mendoni për të? Ma kanë lavdëruar…”, i pyet Kurti pjesëtarët e tjerë të grupit në WhatsApp.

E para i replikon Dejona Mihali. Ajo e quan “manipulant” kryeinxhinierin Lushaku.

“Po, më manipulant nuk mund të bëhet”, i përgjigjet ajo, Kurtit. “Për të mos thënë fjalë më të rënda”.

Krasniqi, i akuzuar në dy raste për keqpërdorim të detyrës zyrtare, i shpjegon Kurtit detaje krejt të hollësishme për Lushakun. I thotë se çështjen e kryeinxhinierit, KEK e ka dërguar në Prokurori. Pretendon se ai është i përfshirë në rastin e “Ballkan Petrol”.

“Edhe mu ma lavduan në fillim por ky është ai që pas letrës së kompanisë Ballkan Petrol çështjen e tij e kemi dërguar në prokurori”, i përgjigjet Krasniqi, Kurtit.

Ballkan Petrol, e cila ishte ankuar kundër kryeinxhinierit Lushaku, del të jetë një biznes i afërt me deputetin e Lëvizjes Vetëvendosje, Enver Haliti.

Kompania, e specializuar në prodhimin e produkteve të rafinuara të naftës, është në pronësi të Imri Halitit, djalit të xhaxhait të deputetit të LVV-së nga Ferizaj.

Në kohën e zhvillimit të bisedës, tetorin e vitit 2022, Ballkan Petrol ndodhej në mesin e një procedure tenderuese të hapur nga KEK për furnizim me transformatorë për njësinë B1 të Termocentralit Kosova B. Për këtë tender ishin zotuar plot pesë milionë euro.

Në nëntor të vitit 2022, Ballkan Petrol ishte rekomanduar për kontratë nga KEK. Oferta e saj, në vlerë 4.1 milionë euro, ishte rekomanduar për kontratë në bazë të kriterit për tenderin e përgjegjshëm me çmimin më të ulët.

Por, procedura tenderuese ishte anuluar nga KEK në majin e vitit 2023. Ishte kthyer në ri-tenderim.

Në procedurën e re, kompania e familjarëve të deputetit Haliti ishte përzgjedhur sërish fituese. Kësaj radhe me një ofertë që peshonte rreth 600 mijë euro më shumë, pra 4.7 milionë euro.

Kontrata mes KEK-ut dhe kompanisë Ballkan Petrol është nënshkruar më 20 shkurt të vitit 2024.

Emri i kryeinxhinierit të Termocentralit Kosova B, Bekim Lushakut, përmendet edhe në një bisedë tjetër mes qeveritarëve, Nagip Krasniqit dhe Dejona Mihalit në grupin e WhatsApp-it.

Kurti interesohet sërish për Lushakun lidhur me një konsorcium të kontraktuar për punë në renovimin e Termocentralit “Kosova A”. E pyet Nagip Krasniqin nëse e kishte dërguar Lushakun në Maqedoninë e Veriut me motiv prishjen e një konsorciumi që kishte kryer punë në KEK në të kaluarën.

Por, Krasniqi e mohon.

“Unë s’e kam dërguar askënd”, i raporton ai, Kurtit. “Por më erdhi info nga një kompani që ai ka qenë në Maqedoni”.

Për të njëjtën çështje interesohet edhe ministrja e Ekonomisë, Artane Rizvanolli, tregojnë komunikimet në WhatsApp.

“Ka provuar që ta bind një kompani nga Maqedonia që të hyj në partneritet me një kompani tjetër Kosovare”, thotë Krasniqi.

Sipas Krasniqit, Lushaku kishte shkuar në Maqedoninë e Veriut për pazare me tenderë.

“Nga ajo që ata e kanë partner nga ma herët. Dhe sipas tyre, iu ka thënë se nuk mund t’marrin punë në KEK nëse nuk hynë në konzorcium me një kompani që ai ua ka rekomanduar”, thotë Krasniqi, dhe sugjeron marrjen e masave ndaj tij.

Kurti e porosit direkt Krasniqin që të nisë “shkarkimet dhe spastrimet” në ndërmarrjen publike.

“Drejtor, po nuk shkarkove e spastrove tash në KEK, as nuk do të ketë vlerë e as mundësi më vonë…”, e udhëzon direkt Kurti, ish-kryeshefin e kontrolluar prej tij.

JU REKOMANDOJMË

Arrestohet një M.I. për armëmbajtje pa leje në Mitrovicë, i konfiskohet pistoleta me 28 fishekë
Lajme

Arrestohet një M.I. për armëmbajtje pa leje në Mitrovicë, i konfiskohet pistoleta me 28 fishekë

15/07/2025 - 23:28
Emisarë të Perëndimit zbarkojnë në Kosovë, kërkohet urgjentisht formimi i institucioneve
Lajme

Emisarë të Perëndimit zbarkojnë në Kosovë, kërkohet urgjentisht formimi i institucioneve

15/07/2025 - 22:49
Ambasada britanike: Karen Pierce diskutoi në Kosovë për formimin urgjent të qeverisë
Lajme

Ambasada britanike: Karen Pierce diskutoi në Kosovë për formimin urgjent të qeverisë

15/07/2025 - 22:34
Lutfi Haziri: Besnik Bislimi do të tërhiqet për dinarin, ta shohim sa hapa mbrapa
Lajme

Haziri – Memli Krasniqit: Jo 19, por 20 vota t’i japim por është e pamjaftueshme

15/07/2025 - 22:24
Bislimi: NATO ndali gjenocidin e Millosheviqit, sot Kosova kërkon të bëhet pjesë e saj
Kryesore

Vendimi i Supremes e radikalizon pak Besnik Bislimin: Gjyqësori i ka shpallë luftë qeverisë, do ta humbin me shumë turp

15/07/2025 - 22:11
641 çifte i dhanë fund martesës së tyre nga janari deri në maj
Lajme

641 çifte i dhanë fund martesës së tyre nga janari deri në maj

15/07/2025 - 22:05

Më të lexuarat në 24 orët e fundit

  • Këta janë të dyshuarit për tentimvrasjen në Gojbulë të Vushtrrisë – Njëri në pranga, dy në arrati

    Këta janë të dyshuarit për tentimvrasjen në Gojbulë të Vushtrrisë – Njëri në pranga, dy në arrati

    175 Shpërndaje
    Shpërndaje 70 Tweet 44
  • Isa Mustafa godet LDK-në: Fatkeqësisht margjinalizuan Avdullah Hotin

    102 Shpërndaje
    Shpërndaje 41 Tweet 26
  • Ky është zytari i arrestuar dje për marrje ryshfeti, u kap në flagrancë nga policia

    98 Shpërndaje
    Shpërndaje 39 Tweet 25
  • Kthesa e çuditshme e biznesmenit Ruzhdi Kurtishaj – Para pak javësh thoshte se buzë detit kafja 80 cent, sot alarmon për çmime astronomike në bregdetin shqiptar

    92 Shpërndaje
    Shpërndaje 37 Tweet 23
  • Supremja foli, nuk ka edhe ministër edhe deputet – Kajtazi: “Tash i hapet rruga Prokurorisë t’i arrestojë”

    88 Shpërndaje
    Shpërndaje 35 Tweet 22

Të gjitha të drejtat janë të rezervuara.

Privacy Policy

© 2023 Veriu.info

Nuk u gjet asgjë!
Të gjitha rezultatet
  • Ballina
  • Lajme
  • HULUMTIME
  • Sport
  • Ekonomi
  • ShowBiz
  • Lifestyle
  • Ndryshe
  • Opinione
  • Tech
  • Kuriozitete
  • Impresum

© Veriu.info

Veriu.info përdor cookies. Duke vijuar me hapjen e kësaj faqe, ju bini dakord me kushtet për përdorimin e cookies. Më shumë