Janë publikuar pamje të reja në TikTok nga grabitja e armatosur që ndodhi dy ditë më parë në magjistralen Ferizaj-Prishtinë, në një bankomat afër pikës së karburantit “Hib Petrol” në Ferizaj.
Në videon e publikuar shihen personat e armatosur duke vendosur eksploziv pranë bankomatit.
Policia ka njoftuar se cak i personave të maskuar ishin 3 bankomatet që gjenden skaj rrugës magjistrale në parkingun e qendrës tregtare ” Superviva” në Ferizaj.
@ajeshqiptar Pamje nga grabitja e Armatosur ne Ferizaj #ferizaj05 #kosova#ferizaj#hib#prishtinacity#prishtina#shqip
“Personat e maskuar fillimisht me një mjet plasës kanë shpërthyer njërin bankomat, ndërsa kanë dëmtuar edhe dy bankomatët tjerë, mirëpo falë intervenimit të shpejtë të policisë, posa arrijnë patrulla e parë policore, të dyshuarit fillojnë të shtënë në drejtim të veturës së policisë dhe të largohen nga vendi i ngjarjes”, kishte njoftuar policia.
Zëdhënësi i Policisë së Kosovës për rajonin e Ferizajt, Kanun Veseli bëri të ditur se të dyshuarit kanë arritur të largohen nga vendi i ngjarjes me një veturë në drejtim të panjohur.
Ai tha se në veturë dyshohet se ishin katër persona me armë të gjata.
Rasti është cilësuar ” Vrasje e mbetur në tentativë, grabitje e armatosur e mbetur në tentativë dhe armëmbajtje pa leje.
