Një aksion me shkallë të gjërë nga Policia e Kosovës është zhvilluar mbrëmë në shumë lokacione gjithandej Kosovës, ku cak ishin lokalet që organizonin lojëra fati ilegalisht.
Portali Sinjali ka publikuar edhe listën me emra të të arrestuarve e ku figuronte edhe ish drejtori për emergjenca në Komunën e Mitrovicës, Bahtir Maxhuni.
Ndërkohë vet Maxhuni në një prononcim për Ditorin ka thënë se ai nuk është i arrestuar dhe se aktualisht është në shtëpi duke pirë çaj.
Për këtë shpifje dhe lajm të rremë, Maxhuni ka thënë se do të marr masa komfor ligjit ndaj mediumit në fjalë që njollosi personalitetin e tij.
Kujtojmë se ish drejtori ishte pjesëtar i UÇK-së, i i njësisë speciale të ZOSH dhe edhe sot gëzon respekt gjithandej vendit për kontributin e dhënë për lirinë e Kosovës./Ditori/
