Artikull i përditësuar (19.04.2026) Pas publikimit të lajmit se Inspektorati i Punës ka bërë ndërprerjen e punimeve në vendpunishten e Xani Exclusive Building në Bair të Mitrovicës, kanë reaguar nga kjo kompani, duke mohuar se punimet në vendpunishtne e tyre janë ndërprerë.
Pas këtij reagimi Veriu.info ka kërkuar qasje në dokumente zyrtare në Inspektoratin Qendror të Punës për këtë rast, ku deri në momentin e marrjes së dokumenteve do ta largojmë lajmin nga portali.
Pasi që të na jepen dokumentet zyrtare, të cilat sipas ligjit duhet të na ofrohen brenda 7 ditësh, do të dalim me të dhëna zyrtare për rastin.
Reagimi nga përfaqësuesi i kompanisë Xani:
‼️ Information i pasakte ‼️
Me anë të kësaj shkrese dëshirojmë të reagojmë ndaj një informacioni të publikuar së fundmi në gazetën tuaj, në të cilin pretendohet se punimet në kantierin tonë janë ndërprerë.
Dëshirojmë të theksojmë se ky informacion është i pasaktë. Punimet në kantierin tonë vazhdojnë normalisht dhe sipas planit të parashikuar. Publikimi i këtij lajmi të pavërtetë krijon keqinformim në publik dhe dëmton drejtpërdrejt reputacionin dhe aktivitetin tonë.
Për më tepër, kemi arsye të besojmë se qëllimi i këtij publikimi është të favorizojë konkurrencën në mënyrë të padrejtë. Për këtë arsye, nëse nuk ndërmerren hapa të menjëhershëm për korrigjimin e këtij informacioni, ne do të detyrohemi të ndërmarrim masa ligjore për mbrojtjen e interesave tona.
Ju lutemi të verifikoni faktet dhe të publikoni një korrigjim sa më parë, në mënyrë që të shmangen pasoja të mëtejshme.!
