Deputeti i Kuvendit të Kosovës nga radhët e Lidhjes Demokratike të Kosovës, Driton Selmanaj, ka kritikuar ashpër VV-në dhe Listën ‘Guxo’, duke i cilësuar këto dyja si ‘‘shumicë parlamentare për faqe të zezë’’.
Ai ka thënë edhe se kjo shumica do të mbahet mend për mediokritet dhe sharlatanizëm institucional.
Selmanaj thotë se vetëm në seancën e sotme, punësuan gra e nipa në ndërrmarrje publike, votuan projektligje kundër kushtetueses dhe demoluan procedurat e ligjbërjes.
‘‘Lvv&guxo- shumicë parlamentare për faqe të zezë!
Vetëm në seancën e sotme, punësuan gra e nipa në ndërmarrje publike, votuan projektligje kundër kushtetuese dhe demoluan procedurat e ligjbërjes, duke mos i lejuar deputetët të parashtrojnë amendamente, sepse nuk i lanë kohë më shumë se 1 minutë secilit komision të përhershëm. Demolim i parlamentarizmit, demolim i demokracisë, shumicë parlamentare që do mbahet mend gjatë për mediokritet dhe sharllatanizëm institucional.TURP!’’, ka shkruar ai.
