Përfaqësuesja e Lartë e Bashkimit Evropian për Politikë të Jashtme dhe Siguri, Kaja Kallas, ka reaguar pas paralajmërimit të Shteteve të Bashkuara të Amerikës për vendosjen e sanksioneve ndaj Gjykatës Penale Ndërkombëtare (GJPN/ICC), duke e cilësuar këtë institucion si gur themeli të drejtësisë globale.
Përmes një deklarate në rrjetin social X, Kallas bëri të ditur se ka zhvilluar një bisedë me kryetaren e GJPN-së, Tomoko Akane, menjëherë pas njoftimit të Washingtonit.
„GJPN-ja është gur temel i sistemit ndërkombëtar të drejtësisë penale. Ajo ndjek penalisht individët përgjegjës për krimet më të rënda sipas të drejtës ndërkombëtare”,ka deklaruar Kallas.
Në përfundim, Kallas ka rikonfirmuar mbështetjen e palëkundur të Bashkimit Evropian për këtë gjykatë dhe se ka mundësi për të siguruar vazhdimin e punës së saj.
