Skandal: “Bini 2024” shiti kundërligjshëm 499 kafshë të importuara për therje (Dokument)

Në kuadër të serisë së shkrimve për skandalin e importuesve të kafshëve të gjalla në Kosovë nga vendet e rajonit dhe BE, Veriu.info ka gjetur se në mesin e kompanive që vepruan kundërshligjshëm në këtë industri të ndjeshme për shëndetin e konsumatorëve është edhe kompania “Bini 2024” Sh.P.K. me ponar Albin Ferati.

Si pasojë e mos zbatimit për rregullativës ligjore për trajtimin e kafshëve të importuara për therje në Kosovë, Agjencia e Ushqimit dhe Veterinarisë, kompanisë “Bini 2024” Sh.P.K. i ka pezulluar licencën më datë 28 mars 2025, vendim të cilin e ka nënshkruar drejtori ekzekutiv i AUV, Bekim Hoxha.

Veriu.info ka siguruar vendimin, në arsyetimin e të cilit thuhet se “Bini 2024” Sh.P.K. me pronar Albin Ferati gjatë muajve janar dhe shkurt 2025 ka importuar 11 dërgesa me kafshë të gjalla për therje në total prej 499 krerë, ku në bazë të vendimeve kafshët e importuara për therje është dashur që t’i dërgoj në thertore dhe të therren Brenda afatit kohor prej 72 orësh.

“Bini 2024” Sh.P.K. kishte lidhur kontrata me thertoren “Geberland”, por që inspektorët e AUV-it kanë konstatuar gjatë inspektimit se në këtë thertore nuk janë therur asnjë prej krerëve të importuara, por që as në stallën e pronarit nuk është hasur asnjë kafshë e importuar, thuhet në vendimin e AUV të siguruar nga Veriu.info.

Arsyetimit i vendimit të AUV për pezullimin e lejes së importit për “Bini 2024” Sh.P.K. vazhdon duke treguar se subjekti afarist ka ofruar disa fatura të shitjes së kafshëve, ku personat blerës janë persona fizik pa ndonjë të dhënë të personit.

Peci u krenua për pezullimin e lejeve të importit të kafshëve për 28 kompani – AUV pa u bë një javë nisi shfuqizimet e vendimeve

Kjo është në kundërshtim të plotë me komplet legjislacionin në fuqi që rregullon çështjen e importit të kafshëve të gjalla për therje, pasi që edhe në vendim specifikohet se ato duhet të dërgohen drejtpërdrejti në thertore dhe të theren Brenda 72 orësh.

Përkundër vendimit të nxjerrë nga drejtori ekzekutiv, Bekim Hoxha për pezullimin e lejes së importit për kafshëve e gjalla të importuara nga “Bini 2024” Sh.P.K., Komisioni i Ankesave i AUV-it i ka miratuar ankesën operatorit ekonomik, duke rekomanduar kthimin e saj në regjistrin e sistemit FCMS dhe TRACES, që nënkupton kthimin e lejes së importit./Veriu.info

Skandal: NTP “Nushi” shiti qindra kafshë të destinuara për therje, AUV përmes Komisionit për 3 javë ia riktheu licencën e pezulluar të importit (Dokument)

AUV me VENDIM i pezulloi lejen e importit “Melii Farm” Sh.P.K., u zbulua se nuk i raportoi 2965 kafshë të futura në Kosovë (Dokument)

Bunjaku i “Meli” Sh.P.K.: “Ose je shum trim ose je budall” – presion i rëndë ndaj Veriu.info nga pronarët e kompanive që iu pezullua licenca e importit të kafshëve

Ekskluzive: Kjo është lista e 28 kompanive që AUV ua pezulloi lejet e importit të kafshëve, 18 prej tyre ua rikthei lejet