Në kuadër të hulumtimit për kompanitë që kanë futur ose tentuar të fusin produkte ushqimore në tregun e Kosovës me përbërës të rrezikshëm, Veriu.info ka zbuluar se në kompaninë “Gourmet Organic Meat SH.P.K.” me pronar Xhemail Bikliqi është gjetur mish i bluar që ishte i rrezikshëm për konsum.
Veriu.info ka siguruar një procesverbal të Agjencisë së Ushqimit dhe Veterinarisë, në bazë të të cilit konstatohet se kompanisë “Gourmet Organic Meat SH.P.K.” i është asgjësuar një sasi prej 447 kg mish i freskët bluar.
Deri të asgjësimi i mishit thuhet se ka ardhur pasi që ka rezultuar pozitiv në kriterin E. Coli, nënkupton se mishi ka përmbajtur baktere E. Coli.
“Pasi u njoftuam nga personi përgjegjës se janë të gatshëm për asgjësim të produktit i cili kishte rezultuar pozitiv në “E. Coli” … arrita në vend të ngjarjes dhe sasia e asgjësimit kishte bruto 447 kg dhe i njëjti u asgjësua në kontejnerët e kompanisë dhe nga ky momenti të gjitha përgjegjësit i merr “Gourmet Organic Meat” … Gjatë asgjësimit janë bërë edhe foto.
Veriu.info ka siguruar edhe raportimin e testimit të mostrave të këtij mishi të freskët, i cili në fotot e asgjësimit shihet se i përket brendit “Çobani”.
Rreziqet e mishit të bluar që del pozitiv në kriterin Escherichia coli (E. coli) kanë të bëjnë me infeksionet gastrointestinale, sindrome hemolitike-uremike (HUS) dhe rreziqet për grupe të ndjeshme, si: sëmijët e vegjël, të moshuarit, gratë shtatzëna dhe personat me imunitet të dobët janë më të rrezikuarit.
Veriu.info ka dërguar pyetje në kompaninë “Gourmet Organic Meat SH.P.K.” për të marrë versionin e tyre për këta mish të asgjësuar, por deri në momentin e publikimit të lajmit nuk janë përgjigjur.
Në Kosovë brendi i mishit “Çobani” është promovuar vazhdimisht nga rrjeti i marketeve “Viva Fresh Store” se shitet ekskluzivisht në marketet e tyre.
Skandal: Prodhuan miell Tip 400 pa përbërës të duhur, dënohen mullinjtë “Amidoni” e “Blerina”
