Skandal: Kompanisë “Extra Fish” me pronar Ilir Maçani i gjenden 179 kg peshk të infektuar me krimba (Dokument/Pamje)

Në kuadër të hulumtimit për kompanitë që kanë futur ose tentuar të fusin produkte ushqimore në tregun e Kosovës me përbërës të rrezikshëm, Veriu.info ka zbuluar se kompanisë “Extra Fish” Sh.P.K. me pronar Ilir Maçani i është gjetur sasi e madhe e mishit të peshkut të infektuar më krimba.

Veriu.info ka siguruar procesverbalin e inspektorëve veterinarë të Agjencisë së Ushqimit dhe Veterinarisë të datës 30.01.2024, ku është kryer inspektim në kompaninë “Extra Fish” Sh.P.K. nga ku janë marrë mostra të peshkut për gjurmim të parazitit “Anisakis”, ku me këtë rast është urdhëruar kjo kompani që të ngris nivelin higjienik.

Pas tre ditësh inspektorët kanë dorëzuar në “Extra Fish” rezultatin e analizave për 39 kg peshk Merluc, i cili ka rezultuar me prani të parazitëve nematod ‘Anisakis”. Me këtë rast ishte urdhëruar pronari (Ilir Maçani) që sasinë e peshkut Merluc që ka dalë i infektuar ta bllokojë dhe të njoftojë pikat (bizneset) të cilat i ka furnizuar me këtë produkt që të bëjnë kthimin e peshkut në depo menjëherë.

Me 8 mars AUV ka nxjerrë vendim për këtë rast dhe ka urdhëruar kompaninë të bëjë kthimin e mallit në vendin e origjinës dhe ta asgjësoj brenda 60 ditësh.

Në procesverbalin e siguruar nga Veriu.info me rastin e riinspektimit në “Extra Fish” më 11 mars 2024, konstatohet se edhe 140 kg peshk Merluc është gjetur i infektuar me parazitin “Anisakis”, për të cilët thuhet se vlen vendimi paraprak, që nënkupton se duhet të bëhet asgjësimi i mallit ose kthimi i tij në vendin e origjinës. Pra, në total i janë gjetur 179 kg peshk të infektuar me parazitin “Anisakis”.

Ndryshe, kompania “Extra Fish” Sh.P.K. është në pronësi të biznesmenit Ilir Maçani dhe ka pesë (5) njësi biznesore.

Veriu.info ka siguruar edhe raportet e testimit dhe fotografi të mallit të bllokuar, të cilat mund t’i shihni më poshtë:

Lexoni po ashtu:

Kompanisë “Taunita” iu zbuluan mbi 600 kg peshk të infektuar me parazitin (krimba) ‘Anisakis’ (Dokument)

Promovon mish ‘hallall’, por AUV i gjen mish me Salmonella – Swiss Group kapet me produkt të rrezikshëm për konsum (Dokument)

Skandal: Kapet mish i bluar “Çobani” me baktere të rrezikshme (Foto/dokument)

Djath johigjienik e jorgut me bakterie – Ja si zbarkuan inspektorët në qumështoret “Golaj” e Aldi”, urdhërohet asgjësimi i produkteve (Dokument)

Pasi Veriu.info publikoi skandalin se iu gjetën mbi 30 tonë mish peshku me krimba, Reçica i PDK-së viziton “Mediteran -N” të Nikollë Dodajt

Kompanive “DELFIN” dhe “Mediteran – N” iu zbuluan 66 tonë mish peshku të infektuar me krimba, AUV-i i Ministrisë së Pecit mbajti të fshehur skandalin (Dokument)

AUV i Ministrisë së Faton Pecit mbajti të fshehur emrin “MC FOOD” që solli 21 tonë mish peshku me krimba – kompanisë që trafikoi edhe 400 kg kokainë (Dokument)

Zyrtare: AUV pas kontrollit bllokon mishin e bardh “Copacol” në depon e importuesit “KAJMAK” në Prizren

SKANDAL: Kompanisë Meka që promovon produkte ‘hallall’ i zbulohen mbi 20 tonë mish pule me bakterin e rrezikshëm Salmonella (VIDEO)