Hulumtimi i Gazetës Online Veriu.info nxori në pah një nga skandalet e mëdha të Agjencisë së Ushqimit dhe Veterinarisë, që funksionon në kuadër të Ministrisë së Bujqësisë që drejtohet nga Faton Peci, ku nga hulutimi doli se kishin fshehur për 1 vit emrat e kompanive të cilave iu gjetën me tone mish peshku me krimba.
Po rikthejmë për lexuesin edhe njëherë emrat e kompanive të cilave ju gjetën mish peshku i infektuar me krimba me tone të tëra: “MC FOOD” Sh.P.K 21 tonë, “DELFIN” L.T.D 35 tonë mish peshku i infektuar dhe “MEDITERAN-N” Sh.P.K me 31,296 kg mish peshku te infektuar me krimba, përkatësisht me parazitin “Anisakis” të importuar në Kosovë nga Maqedonia e Veriut.
E për çudinë e të gjithve, pak kohë pasi Veriu.info publikoi serinë e këtyre skandaleve të AUV, që fshehu emrat e këtyre kompanive, deputeti i PDK-së, Elmi Reçica, vizitoi njërën nga këto kompani.
Ai sot vizitoi kompaninë “Mediteran” në Viti me pronar Nikollë dhe Bernard Dodaj, e cila kishte importuar në Kosovë vitin e kaluar nga Maqedonia e Veriut 31,296 kg mish peshku te infektuar me krimba, përkatësisht me parazitin “Anisakis”.
Sipas dokumentit të siguruar nga Veriu.info ishte parë se AUV Më datën 29.02.2024 kishte urdhëruar këtë kompani që sasinë e mishit të peshkut prej 31,296 kg ta tërheq nga tregu dhe ta kthej në vendin e origjinës ose ta asgjësoj brenda afatit prej 60 ditësh.
Por ky skandal duket se nuk ka penguar fare deputetin Elmi Reçica që ta vizitojë këtë biznes në Viti që importoi mbi 30 tonë mish peshku me krimba që ishte rrezik masiv për shëndetin e qytetarëve.
Madje ai shkon edhe më tutje duke e promovuar atë si storie suksesi në biznes.
Akoma më e çuditshme është se si kjo kompani arriti ta fsheh emrin e saj përmes AUV të ministrisë së Faton Pecit nga publiku deri në zbulimin që i bëri këtij skandalo Veriu.info, dhe në anën të mirëpret në kompani deputetin e PDK-së.
Postimi deputetit të PDK-së Elmi Reçica:
Sot vizitova kompaninë Mediteran Group në Viti, e cila udhëhiqet me profesionalizëm nga Nikollë dhe Bernard Dodaj. Një biznes model që dëshmon se suksesi ndërtohet me punë, vizion dhe përkushtim.
Urime dhe suksese të mëtejshme ekipit!
Më poshtë ju sjellim hulumtimet e plotë për këto kompani:
