Thuajse çdo mëngjes, banorët e qytetit të Skenderajt zgjohen me një ambient të ndotur nga tymi i shkaktuar nga qumështorja “Drena”.
Lexues të shumtë që kanë dërguar foto në redaksin e portalit rajoni.org kanë thënë se, për çdo mëngjes, kjo situatë po krijon kushte të padurueshme. Tymin e zi që del nga fabrika e kanë përshkruar si një ndotës të madh të ambientit për një kohë për ç’do mengjes.
Lidhur me këtë çështje, portali “rajoni.org” e ka pyetur komunën, e cila ka deklaruar se kjo është në kompetencë të Ministrisë së Mjedisit.
“Pas ankesave që kemi marrë nga terreni, problemin e kemi adresuar dy herë tek Ministria e Mjedisit, e cila ka pajisjet për matjen e ndotjes së ambientit, por as që janë marrë me rastin,” për portalin rajoni.org ka thënë Valon Haliti, drejtor i Inspektoratit në Skenderaj.
