Një person nga Vushtrria është bërë për spital pasi u sulmua nga një person tjetër me shkop druri, raporton Gazeta Online Veriu.info.
I dyshuari është arrestuar nga policia e Kosovës dhe i është caktuar masa prej 48 orësh.
Rasti ka ndodhur ditën e djeshme rreth orës 20:00.
“Njësitë policore menjëherë i janë përgjigjur rastit dhe duke u bazuar në hetimet fillestare nga vendi i ngjarjes si dhe nga informatat e pranuara nga ankuesi dhe dëshmitarët okular, është kuptuar se një person ishte sulmuar nga një person i dyshuar me mjet të fortë-shkop druri me ç’rast kishte pësuar lëndime trupore. Viktima është dërguar në emergjencën e spitalit në Vushtrri e më pas është përcjellë për tretman të mëtutjeshëm në SHSKUK.” – thuhet në komunikatën e Policisë.
Arrestohet një person i dyshuar për veprën penale ‘Lëndim i rëndë trupor’
Vushtrri, 26 Prill 2024
Me datë 26.04.2024, rreth orës 20:00 policia në Vushtrri është njoftuar për një person të lënduar në një fshat në Vushtrri.
Njësitë policore menjëherë i janë përgjigjur rastit dhe duke u bazuar në hetimet fillestare nga vendi i ngjarjes si dhe nga informatat e pranuara nga ankuesi dhe dëshmitarët okular, është kuptuar se një person ishte sulmuar nga një person i dyshuar me mjet të fortë-shkop druri me ç’rast kishte pësuar lëndime trupore. Viktima është dërguar në emergjencën e spitalit në Vushtrri e më pas është përcjellë për tretman të mëtutjeshëm në SHSKUK.
Në cilësi të të dyshuarit është arrestuar personi i dyshuar dhe pas përfundimit të veprimeve proceduralo-hetimore, ndaj tij është iniciuar rasti ,,Lëndim i rëndë trupor”, ndërsa me vendim të prokurorit të dyshuarit i është caktuar masa e ndalimit për 48 orë.
