Deputeti i Partisë Demokratike të Kosovës, Abelard Tahiri ka kritikuar Qeverinë e Kosovës ne lidhje me rritjen e çmimit të energjisë elektrike.
Tahiri përmes një postimi në Facebook, ka kundërshtuar ministrat e Qeverisë Kurti, të cilët kanë thënë se 60% e shtëpive nuk preken kurrë nga tarifat e shtrenjta mbi 800kËh, ndërsa 35% preken vetëm disa muaj, por sipas Tahiri kjo është krejt ndryshe.
“Manipulimi i Qeverisë me rritjen e çmimit të energjisë elektrike
Kur ministrat e Qeverisë Kurti flasin për për energjinë elektrike thonë:
60% e shtëpive nuk preken kurrë nga tarifa e shtrenjtë mbi 800 kËh
35% preken vetëm disa muaj në vit (kështu na u prezantua dje nga Qeveria)
Por e vërteta është krejt ndryshe!
Sipas regjistrimit të vitit 2024:
Kosova ka 583,000 njësi banimi
Prej tyre, 182,849 janë të pabanuara
Pra, vetëm 68.64% janë të banuara!
Shumica e këtyre shtëpive të pabanuara u përkasin mërgatës, që vijnë vetëm për pushime.
Por ato kanë njësorë të energjisë dhe regjistrohen në statistika!
Qeveria i përfshin këto shtëpi boshe për të thënë se qytetarët “nuk preken” nga tarifa e shtrenjtë.
Ky është manipulim klasik me statistika!” – ka shkruar Tahiri.
Ai tutje ka treguar çmimin e energjsë elektrike vit pas viti.
“Çmimi i energjisë, vit pas viti:
Viti Deri 800 kËh Mbi 800 kËh
2020 6.75 c/kËh 6.75 c/kËh
2022 6.75 12.53
2023 7.79 14.45
2024 7.79 13.30
2025 (propozim) ~8.96 ~15.30” – ka shkruar Tahiri i PDK-së.
Në fund ai ka thënë se fatura e energjisë në vitin 2025 është 96.89% më e lartë sesa në vitin 2020.
“Dhe me rritjen e re të propozuar:
Faturat do të jenë 126.67% më të shtrenjta sesa para ardhjes së Qeverisë Kurti!
Ky është realiteti që ka prodhuar kjo qeveri:
Rritje e vazhdueshme e çmimit
Manipulim me statistika
Dhe neglizhencë ndaj qytetarëve që po vuajnë çdo muaj” – ka shkruar Tahiri.
