Një sondazh i publikuar nga mediumi portugez A Bola ka nxitur debat të madh në opinionin sportiv, pasi në përzgjedhjen e tifozëve për formacionin titullar ndaj Uzbekistanit mungon plotësisht Cristiano Ronaldo.
Lexuesit kanë votuar për një formacion ideal të Portugalisë, por rezultati surprizues është se emri i Ronaldos i cili nuk figuron në 11-shen më të votuar. Kjo ka hapur diskutime për rolin e tij aktual në ekip dhe nëse duhet të nisë ndeshjet nga stoli në disa sfida.
Në anën tjetër, Portugalia po përgatitet për ndeshjen ndaj Uzbekistan, ndërsa trajneri pritet të ketë vendime të vështira për balancimin mes përvojës dhe formës aktuale të lojtarëve.
