Ish-banorja e Big Brother VIP Kosova 4, Alba Pollozhani, ka reaguar me tone të ashpra pas performancës së Katy Perryt në natën e parë të Sunny Hill Festival, ku artistja amerikane ngriti në skenë flamurin e Kosovës.
Përmes disa postimeve në InstaStory, Pollozhani iu drejtua publikisht Dua Lipës, Dukagjin Lipës dhe organizatorëve të festivalit, duke shkruar: “Turp! Shqiptarinë po e ‘shitni’ për lek! E keni shitur vetëm veten tuaj, se Shqipëria kurrë s’do përfaqësohet nga njerëz si ju!”
Në një tjetër reagim, ajo ngriti pyetjen: “Pse vetëm flamurin blu, e jo edhe flamurin e Shqipërisë? Besoj e kuptoni mesazhin e pyetjes…”
Pollozhani e cilësoi situatën si “mospërfillje të Shqipërisë” dhe “përçarje”, duke pretenduar se në një ngjarje me audiencë globale duhej të promovohej edhe flamuri shqiptar.
“Nuk meritoni duartrokitje kësaj radhe”, shkroi ajo, ndërsa më tej akuzoi organizatorët se po e përdorin identitetin kombëtar për interesa personale dhe politike.
Reagimi i Albës ka nxitur diskutime në rrjetet sociale, por a është i tepruar ky reagim i saj?
