Casemiro ka folur për mundësinë që Lionel Messi të fitojë sërish “Topin e Artë”, duke theksuar se argjentinasi ka dëshmuar se është i aftë për gjithçka, veçanërisht pas paraqitjes së tij në Kupën e Botës.
Mesfushori brazilian u shpreh me kujdes kur u pyet për garën për çmimin prestigjioz individual, duke nënvizuar se vendimi përfundimtar i takon votuesve, shkruan Indeksonline
“E dimë të gjithë se me Messin gjithçka është e mundur. Ai e dëshmoi këtë edhe në Kupën e Botës. Por nuk duhet të flas për këtë çështje”, deklaroi Casemiro.
Ai shtoi se lojtarët natyrshëm dëshirojnë suksesin e shokëve të tyre të skuadrës, por theksoi se “Topi i Artë” vendoset përmes votimit.
“Kur luan krah një prej shokëve të skuadrës, gjithmonë dëshiron që ai të fitojë. Edhe ai, sigurisht, dëshiron që shoku i tij të fitojë. Por kjo çështje u takon njerëzve dhe votave të tyre”, tha braziliani.
Casemiro gjithashtu kërkoi që në vlerësimin për Messin të merret në konsideratë edhe ajo që argjentinasi ka bërë në Kupën e Botës.
“Shpresoj që njerëzit të shohin edhe atë që ai bëri në Kupën e Botës, sepse kjo është shumë e rëndësishme”, u shpreh ai./Indeksonline/
