Në kuadër të turneut nëpër Kosovë, kryetari i LDK-së, Lumir Abdixhiku, ka mbajtur dje tubim në Podujevë, qytet ky që ishte bastion i LDK-së prej pas luftës e deri në vitin 2020, kur zgjedhjet për kryetar komune i kishte fituar VV-ja.
Në një fjalim të mbajtur para të pranishmëve, kryetari Abdixhiku tha: “Ky shpërthim i madh nacional nis këtu mu në Llapin e Republikës së Kosovës dhe LDK-së! Nis aty ku e kemi lënë në gjysmë rrugëtimin historik për bërjen e Kosovës siç e kemi ëndërruar gjithnjë! Nis aty ku ndarja jonë, në Llap, dha dridhje nacionale dhe rinis pikërisht këtu në Llap, ku përbashkimi ynë i madh si ky sonte do të jetë dridhje gjithë-kombëtare”.
EKSKLUZIVE: Lumir Abdixhiku pritet të lë jashtë listës për deputetë Agim Veliun
Duke folur për ‘ndarjen në Llap’, Abdixhiku indirekt i është referuar humbjes së vitit 2020 në zgjedhje lokale, ku fitorja e VV-së aty krijoj frymë për partinë Albin Kurtit që të arrij fitore në nivel të Kosovës disa muaj më pas.
Por kryetari i LDK-së tha edhe se ‘përbashkimi ynë i madh si ky sonte do të jetë dridhje gjithë-kombëtare’, duke lënë të kuptohet se LDK-ja aty është bashkuar dhe do të prodhoj rezultat pozitiv në zgjedhjet e 9 shkurtit, duke ‘harruar’ se pikërisht tubimi i djeshëm ka pasqyruar njërën prej ndarjeve më të mëdha në Llap që prej themelimit të kësaj partie.
Kjo pasi që aty nuk ishte prezent ish kryetari i degës dhe komunës, deputeti i tanishëm Agim Veliu, ku LDK-ja në Podujevë për 20 vite të fitoreve identifikohej me të, por që pas humbjes së parë në zgjedhjet lokale të vitit 2020, qendra e LDK-së nisi t’ia kthej shpinën Agim Veliut.
Më pas në vitin 2023 kryetar i degës së LDK-së në Podujevë ishte zgjedhur Ekrem Hyseni, proces të cilin e kishte konstestuar Agim Veliu, duke e quajtur të manipuluar.
Prej asaj kohe Agim Veliu është margjinalizuar komplet nga dega e LDK-së në Podujevë dhe nga kryetari i kësaj partie, Lumir Abdixhiku.
Veriu.info muajin e kaluar kishte raportuar ekskluzivisht se Lumir Abdixhiku po planifikon që Agim Veliun të lë jashtë listës së kandidatëve të LDK-së për deputetë në Kuvendin e Kosovës.
Në një garë të ashpër zgjedhore përball Albin Kurtit të VV-së dhe Bedri Hamzës së PDK-së, nuk dihet se si do të reflektoj në terren margjinalizimi i figurave që historikisht e kanë bartur barrën e LDK-së në organizime, si: Agim Veliu, Isa Mustafa, Fatmir Sejdiu, etj./Veriu.info
EKSKLUZIVE: Lumir Abdixhiku pritet të lë jashtë listës për deputetë Agim Veliun
