Policia e Kosovës ka vënë në pranga 5 persona të cilët publikonin video në rrjetin social “Tik Tok” se të njëjtit bëjnë shitjen e parave të falsifikuara si kartëmonedha dhe monedha metalike, raporton Gazeta Online Veriu.info.
Kështu ka njoftuar Policia e Kosovës përmes një komunikate për media.
“Gjatë hetimit profesional janë siguruar prova se personat e dyshuar me iniciale(F. V.) mashkull/kosovar, (S. A.) mashkull/kosovar, (A. V.) mashkull/kosovar, (B. R.) mashkull kosovar dhe (E. V.) mashkull/kosovar,janë marrë me veprimtari kriminale ku kanë mashtruar dhjetëra persona kinse do të ju shesin para të falsifikuara, derisa në anën tjetër personat që kanë tentuar të blejnë para të falsifikuara, kanë kryer vepër penale nga neni 296 paragrafi 4 i KPRK-së. Vlera e përfitimit që këta persona kanë përfituar me anë të mashtrimit është rreth njëzet mijë(20,000) euro.” – thuhet në komunikatën e Policisë së Kosovës.
Po ashtu Policia ka kontrolluar shtëpitë e të dyshuarve ku ka gjetur dhe sekuestruar:
• 1 (një) granatë dore,
• 1 (një) armë automatike,
• 1 (një) karikator i armës,
• 52 (pesëdhjetë e dy) fishekë,
• 1 (një) telefon mobil.
Komunikata e
Prishtinë 29 gusht 2023
Policia e Kosovës, respektivisht Drejtoria për Hetimin e Krimeve Ekonomike dhe Korrupsionit ka ndërmarrë veprime hetimore intensive disa mujore në zbulimin e personave të dyshuar të cilët përmes rrjetit social ‘’Tik Tok’’ kanë shpërndarë video se të njëjtit bëjnë shitjen e parave të falsifikuara si kartëmonedha dhe monedha metalike.
Gjatë hetimit profesional janë siguruar prova se personat e dyshuar me iniciale(F. V.) mashkull/kosovar, (S. A.) mashkull/kosovar, (A. V.) mashkull/kosovar, (B. R.) mashkull kosovar dhe (E. V.) mashkull/kosovar,janë marrë me veprimtari kriminale ku kanë mashtruar dhjetëra persona kinse do të ju shesin para të falsifikuara, derisa në anën tjetër personat që kanë tentuar të blejnë para të falsifikuara, kanë kryer vepër penale nga neni 296 paragrafi 4 i KPRK-së. Vlera e përfitimit që këta persona kanë përfituar me anë të mashtrimit është rreth njëzet mijë(20,000) euro.
Lidhur me rastin me datën 29.08.2023 është zbatuar plani operativ përkatës ku hetuesit kompetent në orët e mëngjesit kanë realizuar Urdhëresën e Gjykatës Themelore në Gjilan, dega në Viti, për kontrollimin e shtëpive të pesë (5) personave të dyshuar të lartcekur.
Gjatë kontrollimit të shtëpive të personave të dyshuar janë sekuestruar:
• 1 (një) granatë dore,
• 1 (një) armë automatike,
• 1 (një) karikator i armës,
• 52 (pesëdhjetë e dy) fishekë,
• 1 (një) telefon mobil.
Të dyshuarit janë dërguar në stacionin policor dhe janë intervistuar në prezencë të avokatëve të tyre mbrojtës dhe të njëjtit me aktvendim të prokurorit të lëndës dërgohen në mbajtje për 48 orë.
Policia e Kosovës apelon që qytetarët të kenë kujdes nga mashtrime të tilla dhe të bashkëpunojnë ngushtë me Policinë e Kosovës për parandalimin dhe luftimin e këtyre rasteve, si dhe sjelljen para drejtësisë të personave të përfshirë.
