Drejtori i CIA-s, John Ratcliffe, raportohet se ka udhëtuar të martën drejt Moskës në një vizitë të papritur.
Mediat amerikane raportojnë se Ratcliffe ndodhet në kryeqytetin rus, por vizita nuk është konfirmuar zyrtarisht as nga SHBA-ja dhe as nga Rusia.
Nuk dihet ende me kë do të takohet Ratcliffe apo çfarë do të diskutohet.
Drejtori i CIA-s, John Ratcliffe, raportohet se ka udhëtuar të martën drejt Moskës në një vizitë të papritur.
Mediat amerikane raportojnë se Ratcliffe ndodhet në kryeqytetin rus, por vizita nuk është konfirmuar zyrtarisht as nga SHBA-ja dhe as nga Rusia.
Nuk dihet ende me kë do të takohet Ratcliffe apo çfarë do të diskutohet.
Raportimet për vizitën erdhën pasi një avion ushtarak amerikan, Boeing C-17A, u ul në aeroportin Vnukovo të Moskës. Avioni kishte ardhur nga Riga e Letonisë.
Pas uljes së tij, një autokolonë diplomatike amerikane u pa duke lëvizur në Moskë.
Zëdhënësi i Kremlinit, Dmitry Peskov, tha se nuk kishte informacion për avionin amerikan dhe se nuk kishte takime të planifikuara me zyrtarë të administratës Trump në Kremlin këtë javë.
Nëse konfirmohet, kjo do të ishte vizita e parë e një drejtori të CIA-s në Moskë që nga nëntori i vitit 2021, kur atje kishte udhëtuar William Burns.
Ratcliffe ka pasur më herët kontakte me zyrtarë të inteligjencës ruse dhe ishte i përfshirë në negociatat që çuan në lirimin e shtetases amerikano-ruse Ksenia Karelina në prill të vitit 2025.
