Këngëtari i njohur, Yll Limani, i është bashkuar thirrjeve për drejtësi dhe sensibilizim lidhur me rastin tragjik të Arlindës, duke shfrytëzuar rrjetet sociale për të përcjellë mesazhin e tij.
Në një postim në InstaStory, artisti ka shpërndarë njoftimin e publikuar nga Kolektivi Feminist për vazhdimin e protestës, përmes së cilit qytetarët ftohen t’i bashkohen kësaj nisme.
Në njoftim theksohet mesazhi: “Protesta kombëtare vazhdon – Vrasja e grave të trajtohet si urgjencë kombëtare”.
Sipas tij, protesta do të mbahet sot, të enjten, në orën 16:00, në sheshin “Zahir Pajaziti” në Prishtinë.
Përmes këtij postimi, Yll Limani ka përcjellë mbështetjen e tij për thirrjen për drejtësi, duke kontribuar në sensibilizimin e opinionit publik për rëndësinë e trajtimit të kësaj çështjeje si një urgjencë shoqërore.
