Drejtori i Financave në Telekomin e Kosovës, Feim Kelmendi e ka ofenduar përmbaruesit privat, Irfan Kërçagu por për çudi ditë më vonë, një zyrtar i Telekomit, Arben Jaha e ka lavdëruar atë në koment, pikërisht përmbaruesin që ia bllokoi llogaritë ndërmarrjes ku ai punon, shkruan Insajderi.
Jaha e ka cilësuar si “profesionist” dhe “njeri të ligjit” Kërçagun.
“Tendeca për denigrim dhe njollosje është e vërtet që ka ndodhur dhe shkaktuar dëme të natyrës materiale, por ju si një profesionit dhe njeriu i ligjit keni qëndruar stoikisht dhe ju përgëzoj nga ana ime. Shumë suksese e punë të mbarë profesionit e miku im Irfan”, ka komentuar Jaha.
Ndërkohë drejtori i Financave në Telekomin e Kosovës, Feim Kelmendi i ka reaguar ashpër Kërçagut pasi komisioni disiplinor refuzoi kërkesën e Ministrisë së Drejtësisë për shkarkimin e përmbaruesit privat.
Kelmendi ka shkuar larg, duke thënë se më shumë e respekton presidentin e Serbisë, Aleksandar Vuçiq, sesa personin në fjalë.
“Pas vendimit skandaloz, pa asnje arsyetim dhe pa asnje baze ligjore per heqjen e suspendimit te permbaruesit kriminel nga Komisioni Disiplinor i Ministrise se Drejtesise, i njejti kriminel sot vazhdoi krimin e tij duke plackitur miliona euro nga llogarite bankare te Telekomit ende pa e pritur vendimin e shkalles se dyte”, deklaroi ai.
“Une me shume kam respekt Vucicin se sa per njerze qe duke shfrytezuar pozitat ne insititucione bejne veprime kriminale duke demtuar pronen e shtetin ne te cilin jetojne dhe shtetit qe u ka dhene mundesine qe te veprojne si kriminel kunder prones se shtetit”, shtoi tutje Kelmendi.
Reagimi i plotë i tij, pa ndërhyrje:
Pas vendimit skandaloz, pa asnje arsyetim dhe pa asnje baze ligjore per heqjen e suspendimit te permbaruesit kriminel nga Komisioni Disiplinor i Ministrise se Drejtesise, i njejti kriminel sot vazhdoi krimin e tij duke plackitur miliona euro nga llogarite bankare te Telekomit ende pa e pritur vendimin e shkalles se dyte.
Beteja ligjore me keta kriminel (banda kriminale, permbarues kriminal, gjykates te korruptuar etj) do te vazhdoje deri sa drejtesia te vihet ne vend.
Te njejtit heret ose vone, me pastrimit te sistemit te drejtesise nga njerze te kapur nga bandat kriminale, njerze gangster te shitur qe veprojne sipas instruksioneve te bandave kriminale, do te vije kohe qe do te japin llogari.
Eshte turp per institucionet qe mbajne ne mesin e tyre njerze qe veprojne per llogari te grupeve kriminale duke demtuar pasurite shtetrore.
Keta kriminel duhet ta dijne qe femijet e tyre jane duke i ushqyer me parate te plackitura dhe femijet qe rriten me para te krimit me gjase te madhe dote behen kriminel sikur prinderit e tyre.
Per fund disa shoke te mi qe po ja bejne like ketij krimineli me nuk do ta kene respektin qe kan pasur nga une.
Une me shume kam respekt Vucicin se sa per njerze qe duke shfrytezuar pozitat ne insititucione bejne veprime kriminale duke demtuar pronen e shtetin ne te cilin jetojne dhe shtetit qe u ka dhene mundesine qe te veprojne si kriminel kunder prones se shtetit.
