Dy persona janë sulmuar para pak orësh në Mitrovicën Veriore, më saktësith në hyrje të sheshit kryesor të qytetit, nga një grup kriminelësh të cilët kanë qenë të maskuar dhe të organizuar për sulmin e kryer, raporton Gazeta Online Veriu.info.
Kështu ka njofuar edhe Policia e Kosovës përmes një komunikate për media.
Nga policia kanë thënë se kanë ndërhyrë menjëherë për të parandaluar sulmin, përderisa personat e dyshuar kanë ikur në drejtime të ndryshme të qytetit të Mitrovicës Veri.
Personat e sulmuar kanë marrë tretman mjekësor, madje policia ka dërguar edhe pamje të lëndimeve që kanë marrë dy viktimat shqiptarë.
“Aktet e tilla kriminale, nuk i shërbejnë sigurisë dhe qetësisë publike, iu shërbejnë vetëm individëve apo grupeve të caktuara kriminale, andaj Policia e Kosovës do të vazhdojë angazhimet e saja policore, me qëllim të parandalimit, hetimit dhe ofrimit të sigurisë ndaj të gjithë qytetarëve në nivel vendi.” – përfundon komunikata e Policisë së Kosovës./Veriu.info/
