Futbollisti i mirënjohur mitrovicas, Ardian Muja, është transferuar te klubi Fc Prishtina.
Ish-kapiteni mitrovicas mbrojti ngjyrat e klubit Trepçës 89 për 6 vite rresht.
Lajmin për transferimin e tij e ka bërë të ditur vetë klubi I Prishtines nëpërmjet një postimi:
📌 Mirë se vjen Ardian Muja
✍️ Futbollisti i shumë pozitave në fushë, Ardian Muja, 25 vjeç, i lindur më 09.12.1997 në Mitrovicë, ish-futbollisti i Trepçës dhe në gjashtë edicionet e fundit, së fundi edhe kapiten, i Trepçës ’89, ka nënshkruar për dy vite me ekipin tonë. Në edicionin e fundit, Muja ka shënuar 6 gola dhe 2 asistime.
🎤 “Nuk e pata të vështirë fare të pranoja ofertën “bardhekaltër”. Realisht Prishtina është klubi më i madh në Kosovë. Normalisht e ndjej vetën të gatshëm të marrë mbi supe skuadrën dhe të jap më të mirën, të jap maksimumin dhe pse jo të rikthejmë edhe titullin e kampionit në kryeqendër”.
