Agim Cana, babai i futbollistit të njohur shqiptar, Lorik Cana ka zbuluar prapaskena nga periudha kur i biri i tij nuk kishte vendosur ende për Kombëtaren.
Në të kaluarën ishte thënë se kapiteni legjendar shqiptar kishte mundësi të luante edhe për Francën, por që në fund e kishte zgjedhur me zemër Shqipërinë.
E një gjë të tillë e konfirmoi edhe babai i tij, ish-futbollisti kosovar Agim Cana në ekranin e SuperSport News, ku u transmetua dokumentari “Lorik”, kushtuar Canës.
“Raymond Domenech (në atë kohë selektor i U-21) më kërkoi personalisht që të bëhej pjesë e U-21-shit të Francës. I thash të më jepte kohë. Më la 3 ditë kohë. I thash Lorikut dhe u deshën vetëm 10 minuta për të vendosur. Ishte dëshira e tij dhe e jona që të vishej Kuqezi”, theksoi Cana senior. /Gazeta Express/
