Sadio Mane ka pranuar të negociojë rreth një mundësie të transferimit në Arabinë Saudite.
Interesim për sulmuesin afrikan ka shfaqur klubi ku po luan Cristiano Ronaldo, Al Nassr, zbulon eksperti i transfereve Fabrizio Romano, përcjell “Gazeta Express”.
Ish-futbollisti i Bayern Munichut dëshironte të qëndrojë në Bayern Munich, duke e kërkuar edhe një rast, por gjiganti bavarez ka vendosur përfundimisht ta shesë atë.
Prandaj, veterani i sulmit e ka dhënë dritën e gjelbër për transferimin në klubin saudit pas bisedimeve që i pati me drejtuesit e kampionit gjerman.
Çështja e kontratës do të zgjidhet shpejt, ndërsa Manen mund ta shohim në mesin e yjeve që përfunduan në Saudi Pro League.
Futbollisti e kishte grushtuar shokun e repartit, Leroy Sane duke shkaktuar skandal të madh në Bayern, por edhe në këtë sport në përgjithësi.
Ndërkaq, forma e tij nuk ka qenë prej më të mirave prej se u transferua në “Allianz Arena”, ndërsa lojtari u arsyetua se i nevojitet kohë për t’u ambientuar në futbollin gjerman.
