Agjentët e Paulo Dybala raportohet se kanë mbërritur në Itali dhe pritet të takohen me Tiago Pinton sot dhe nesër, për të diskutuar të ardhmen e lojtarit.
Sipas “Il Corriere dello Sport”, Jorge Antun dhe Carlos Novel kanë zbritur në Itali dhe besohet se do të takohen me Pinton përpara udhëtimit të Romës për në Portugali gjatë fundjavës, transmeton Gazeta Express.
Lexo Edhe:
Dybala ka një klauzolë lirimi prej 12 milionë eurosh për klubet jashtë Serie A dhe një me vlerë 20 milionë euro për klubet italiane. Të dy klauzolat skadojnë në fund të muajit.
Argjentiasi besohet se ndihet pjesë e projektit të Romës, por agjentët e tij duan të diskutojnë planet e klubit për të ardhmen, duke përfshirë një marrëveshje të re të mundshme për “La Joya”.
Chelsea është e interesuar për 29-vjeçarin dhe si Thiago Silva, ashtu edhe Enzo Fernandez. nuk e kanë fshehur dëshirën për të luajtur me të në ekipin e “Bluve”.
Dybala iu bashkua Romës në një transferim të lirë verën e kaluar, duke nënshkruar një marrëveshje tre-vjeçare – deri më 30 qershor 2025.
Ai shënoi 18 gola në 38 paraqitje në sezonin e tij të parë me klubin nga kryeqyteti italian. /Gazeta Express/
