Rruga e Bayern Munichut drejt titullit të radhës kampion në Gjermani do të nisë nesër mbrëma me ndeshjen që do ta zhvillojë në udhëtim me Werder Bremeniin, e vlefshme për xhiron e parë të Bundesligës.
Një kampionat në të cilin bavarezët, përpos që e konfirmuan pjesën më të madhe të boshtit të ekipit të sezonit të kaluar, do ta kenë një pasuri në sulm, më saktësisht Harry Kanen.
Në konferencë për shtyp para lojës së nesërme, trajneri Thomas Tuchel ka folur edhe për përforcimin më të madh, i cili erdhi pas një “telenovele” që zgjati shumë.
“Kanë do të startojë nga fillimi nesër, nëse shkon gjithçka mirë në stërvitjen e fundit. Prezenca e tij e ka një influencë ekstremisht pozitive tek të gjithë ne. E jep 100% në çdo seancë stërvitore dhe është zbavitëse ta shikosh. I kemi bërë ushtrimet finale, në të cilat ka qenë në gjendje t’i demonstronte kualitetet e tij. Ka qenë impresionues”, u shpreh trajneri gjerman.
Kane luajti në pjesën e dytë të humbjes nga Leipzigu në Superkupën e Gjermanisë pa arritur të linte gjurmë, në humbjen 0:3.
