Sot gjatë ditës u njoftua se Qeveria e Britanisë së Madhe ka vendosur sanksione ndaj presidentit të Chelseas, Roman Abramovich dhe gjashtë oligarkëve të tjerë rus, pas kësaj është deklaruar edhe klubi londinez.
Miliarderit rus ju është ngrirë pasuria nga autoritetet shtetërore britanike dhe do të përballet me një ndalim të transaksioneve me individë dhe biznese në Mbretërinë e Bashkuar, ndalime të udhëtimeve dhe sanksione transporti.
Pas këtij vendimi nga qeveria britanike ka ardhur me një deklaratë zyrtare edhe klubi i Chelseas të cilët kanë treguar se sot do të zhvillojnë ndeshjet e tyre për meshkuj dhe për femra dhe që janë duke u përgatitur të përfshihen në diskutime me Qeverinë e Mbretërisë së Bashkuar në lidhje me fushëveprimin e licencës.
Ndër të tjera ata shtuan se: ” Ne do të përmbushim sot ndeshjet e ekipit tonë për meshkuj dhe femra kundër Norwich dhe West Ham, dhe synojmë të përfshihemi në diskutime me Qeverinë e Mbretërisë së Bashkuar në lidhje me fushëveprimin e licencës. Kjo do të përfshijë kërkimin e lejes për ndryshimin e licencës në mënyrë që të lejohet klubi të funksionojë sa më normalisht të jetë e mundur.”
Në njoftimin e tyre më tutje thuhet: ” Ne do të kërkojmë gjithashtu udhëzime nga Qeveria e Mbretërisë së Bashkuar për ndikimin e këtyre masave në Fondacionin Chelsea dhe punën e tij të rëndësishme në komunitetet tona.”
Abramovich vendosi të nxjerr në shitje klubin e Chelseas pas situatës në Ukrainë javët e fundit, ai me të ardhurat nga shitja dëshironte që t’i dhuronte për të gjithë viktimat rusë në luftën në Ukrainë.
