Real Madrid ka shënuar fitore në ndeshjen e parë të Ligës së Kampionëve për sezonin 2023/2024.
”Mbretërit” mposhtën Union Berlinin me rezultat minimal 1-0, me golin i cili u shënua vetëm në minutën e fundit të ndeshjes, shkruan IndeksOnline.
Heroi i Real Madridit edhe këtë herë ishte futbollisti anglez, Jude Bellingham, i cili shënoi në minutën 90+4.
Los Blancos dominoi totalisht ndeshjen që nga fillimi, por goli nuk erdhi deri në momentet e fundit.
Real Madrid me këtë fitore kryeson Grupin C me 3 pikë, ndërsa nga ora 21:00 zhvillohet edhe ndeshja tjetër mes Bragës dhe Napolit.
