Ish ylli i Arsenalit, William Gallas e ka krahasuar Martin Odegaard me legjendën e klubit, Dennis Bergkamp
Mbrojtësi francez e ka lavdëruar Odegaardin si një lojtar kyç derisa ka lavdëruar edhe klubin që ka arritur ta bind atë që të nënshkruajë kontratë pesë vjeçare.
Dëshironi të jetoni 100 vjet? Pastroni venat duke përdorur këtë
Derisa ka theksuar rëndësinë e Odeggard që ka për momentin në skuadrën e Arsenalit, Gallas ka shkuar edhe më larg duke bërë krahasime në mes të norvegjezit dhe legjendës së klubit, Dennis Bergkamp.
“Është një lajm i mirë që Arsenali ka nënshkruar kontratë të re me Odegaard. Ai është plejmejker dhe ai është lojtari që kjo skuadër e Arsenalit pret që të zhbllokoi ndeshjet e forta me kualitetet e tij. Pasimi që ai dha për Sakan që mandej ai asistoi për Trossard në ndeshjen me Everton ishte i mahnitshëm. Ai është një futbollist i rëndësishëm i Arsenalit. Nëse e largon atë nga skuadra, Arsenali nuk është më i njëjti”, tha Gallas për Genting Casino.
“Mendoj se mund ta krahasoni Odegaard me Dennis Bergkamp. Ai ende nuk është në nivelin e Bergkamp – Bergkamp ishte një futbollist i madh për Arsenalin – por Odegaard ma kujton atë. Odegaard mund ta bëjë dallimin me kualitetin e tij. Odegaard është shumë i mirë me top. Ai ka vision të mahnitshëm – ai rrallë e humb topin. Çdo skuadër do të dëshironte ta kishte një lojtar si ai”.
Odegaard, i cili është po ashtu kapiten i Arsenalit, nënshkroi kontratë të re pesë vjeçare këtë të premte, duke zgjatur qëndrimin e tij në klub deri më 2028. Kontrata po ashtu e bënë mesfushorin norvegjez lojtarin më të paguar në Arsenal.
