Ish ylli i futbollit ukrainas, Andriy Shevchenko është bërë këshilltar i jashtëm i presidentit ukrainas Volodymyr Zelensky, raportojnë mediat ukrainase.
Presidenti Zelenskiy shpalli dekretin për emërimin e Shevchenkos si këshilltar të jashtëm më 26 shtator, por nuk mund të dallohet se cilat do të jenë detyrat e tij nga përmbledhja e dekretit të presidentit.
Shevchenko fitoi një njohje të madhe ndërkombëtare si lojtar i Milanit dhe Chelsea.
Me Milanin fitoi Ligën e Kampionëve në vitin 2003 dhe një vit më vonë mori Topin e Artë, çmimin më prestigjioz të futbollit. Ish-futbollisti luajti 111 herë për kombëtaren dhe shënoi 48 gola, ndërsa para se të dilte jashtë vendit përfaqësoi Dinamon e Kievit.
Pas karrierës si futbollist, të cilën e përfundoi në korrik 2012, Shevchenko u ul fillimisht në stolin e ekipit vendas si ndihmës trajner, dhe në korrik 2016 u bë trajner dhe udhëhoqi kombëtaren ukrainse deri në çerekfinalen e Kampionatit Evropian në 2021, që është arritja më e mirë e tij deri tani. Në sezonin 2021/22, ai drejtori Genoan.
Ai konsiderohet si një nga futbollistët më të mirë ukrainas të të gjitha kohërave.
