Ballkani po dhuron spektakël në pjesën e dytë të ndeshjes me Lirinë.
Therandasit e përmbysën rezultatin brenda 12 minutash duke avancuar 3:1 ndaj fqinjëve, shkruan “Gazeta Express”.
Prizrenasit avancuan në pjesën e parë falë golit të shënuar nga Zenunaj në minutën e 15-të, në ndeshjen e vlefshme për xhiron e 10-të të Superligës së futbollit.
Por, kampioni u rikthye furishëm në pjesën e dytë duke përmbysur gjithçka.
Albin Berisha i barazoi shifrat me të filluar 45 minutëshi i dytë, ndërsa Lumbardh Dellova e kaloi ekipin Portokalli në epërsi në minutën e 51-të.
E Almir Kryeziu u përkujdes për golin e tretë të ekipit të Ilir Dajës, i cili duket se nuk e ka ndërmend të ndalet.
Ballkani synon ta ruajë kreun e tabelës me këtë fitore, ndërsa prizrenasit një humbje eventuale i thellon më shumë në fundin e tabelës.
