Dega e LDK-së në Mitrovicë sot mbajti Kuvendin Zgjedhor, ku kryetar i degës është zgjedhur Gëzim Plakolli, pozitë të cilën prej disa vitesh e ka mbajtur Safet Kamberi.
Veriu.info në fillim të shtatorit kishte raportuar se garës për kryetar dege pritet t’i hyjë Gëzim Plakolli, por që ai atëherë e kishte mohuar përmes një komenti. Madje, kishte shkuar tutje, duke thënë që nuk e di se ku po i merr këto informata portali Veriu.info.
Si medium i themeluar prej më shumë se një dekade, Veriu.info nuk e ka synim raportimin vetëm në komunikata dhe takime formale, por që ndër vite iu ka paraprirë ngjarjeve, në këtë rast edhe mundësisë së Gëzim Plakollit për t’i hyrë garës për kryetar dege.
Kujtojmë se në kohën e udhëheqjes së të ndjerit Faruk Spahija, LDK ishte partia më e fuqishme binshëm në Mitrovicë, por që pas vdekjes së tij kishte pësuar humbje të vazhdueshme në zgjedhje lokale e parlamentare, ku për pasojë qysh prej shpalljes së pavarësisë së Kosovës asnjëherë nuk kishte arritur të hyjë as në balotazh për kryetar komune.
Reagon Gëzim Plakolli: Nuk jam në garë për kryetar të LDK-së në Mitrovicë
