Punëtori i sigurimit fizik të QTA – Durmart në Mitrovicë ka përfunduar në ndalim pasi i është caktuar masa e ndalimit për veprën penale “lëndim i rëndë trupor”, pasi rrahu një konsumator paraditën e sotme.
Kurse personi i dytë, pra konsumatori, i dyshuar për veprën penale “asgjësim apo dëmtim i pasurisë” është liruar në procedurë të rregullt.
Zëdhënësi i Policisë së Kosovës për rajonin e Mitrovicës, Avni Zahiti, ka konfirmuar se njëri është ndaluar kurse tjetri është liruar.
“Njërit nga të dyshuarit i është caktuar masa e ndalimit për veprën penale “lëndim i ŕënde trupor “. Ndërsa i dyshuari tjetër për veprën penale ” Asgjësim apo dëmtim i pasurisë “është liruar në procedurë të rregullt.” – deklaroi Zahiti për Veriu.info.
Veriu.info raportoi sot ekskluzivisht për rastin e rrahjes në QTA – Durmart në Shipol të Mitrovicës ku sigurimi i marketit rrahu një kosnumator e ky i fundit u kthye pastaj me sakicë duke ua dëmtuar xhamat.
Veriu.info ka tentuar të kontaktojë edhe pronarin e QTA – Durmart, Agron Durimishi, por i njëjti nuk ka pasur qasje në telefonin e tij.
