Talentët kosovarë që jetojnë në Shtetet e Bashkuara të Amerikës janë bërë bashkë për t’i treguar vlerat e tyre në kampin disaditor që po mbahet atje, në organizim të Federatës së Futbollit të Kosovës.
Më 28 e 29 nëntor në Neë York ishin pjesëmarrës 75 futbollistë të rinj të grupmoshave U-15, U-17 e U-19.
Përzgjedhësit e kombëtareve të këtyre grupmoshave, Ilir Nallbani, Arbnor Morina dhe Adil Maliqi, i udhëhoqën stërvitjet dhe e vlerësuan potencialin e lojtarëve pjesëmarrës në kampin e parë të mbajtur ndonjëherë në kontinentin amerikan.
“Ky kamp ofroi një platformë unike për lojtarët e rinj shqiptarë në Amerikë, duke iu mundësuar atyre që t’i prezantojnë aftësitë e tyre të futbollit para përzgjedhësve të ekipeve kombëtare. Në këtë kamp, përzgjedhësit e vlerësuan potencialin e pjesëmarrësve, duke shprehur bindjen se disa prej tyre do të kenë rritje të ndjeshme në të ardhmen”, njofton shtëpia e futbollit kosovar.
