Prishtina do ta vazhdojë rrugëtimin e mbrojtjes së trofeut të Kupës së Kosovës me përballjen e vështirë që do ta ketë me Gjilanin.
Ky çift u vendos në shortin e së tetës së finales së Kupës, i cili u hodh sot në shtëpinë e futbollit kosovar, me ç’rast u zbuluan tetë çiftet e kësaj faze, shkruan “Gazeta Express”.
Ndërkohë, kampioni aktual Ballkani do të ketë punë me Vëllaznimin, i cili garon në një rang më të ulët garash.
Nënkampionia Drita po ashtu do të ketë punë me një skuadër të nivelit të dytë të futbollit kosovar, me Rilindjen 1974.
Llapi do të sfidohet nga Trepça ’89, kurse Dukagjini do të ketë punë me Dinamon e Malisheva me Feronikelin ’74, një duel ky mes dy skuadrave të Superligës.
Ndeshjet do të luhen më 3 e 4 shkurt të vitit të ardhshëm.
Çiftet e së tetës së finales
Trepça ‘89 – Llapi
Gjilani – Prishtina
Drita – Rilindja 1974
Vjosa – 2 Korriku
Feronikeli ’74 – Malisheva
Suhareka – Prishtina e Re
Ballkani – Vëllaznimi
Dukagjini – Dinamo
