Përmes një njoftimi në faqen zyrtare të tyre klubi i Schalke 04 ka njoftuar se ka arritur marrëveshje për të zgjatur kontratën me mesfushorin e Kombëtares së Kosovës, Blendi Idrizi.
Përmes faqes zyrtare të tyre klubi i Schalke 04 ka treguar se ka arritur marrëveshje me Blend Idrizin për të vazhduar kontratën, kontrata e re e mbanë lojtarin në Gjermani deri në vitin 2024.
Për këtë ka folur edhe drejtori sportiv i klubit, Rouven Schroder i cili tha: ”Blendi është zhvilluar në mënyrë të shkëlqyer këtu te Schalke. Paraqitjet e tij të mira këtë sezon e kanë bërë atë një pjesë të rëndësishme të ekipit. Si klub, ne jemi të kënaqur që një tjetër lojtar nga akademia e klubit ka mundur të vendoset në mesin e profesionistëve dhe po vazhdon rrugën që ka marrë me ne.”
Pasi që luajti për 68 minuta ndaj Zvicrës me ‘Dardanët’, ai është rikthyer tek klubi i tij dhe është shprehur shumë i lumtur për vazhdimin e kontratës, duke shtuar gjithashtu se është shumë mirënjohës për këtë.
“Klubi ka besuar shumë tek unë gjatë muajve të fundit dhe më dha mundësinë të bëj një hap nga liga rajonale në Bundesligën e dytë. Unë jam shumë mirënjohës për këtë dhe do të doja të bëja gjithçka nga fuqia për të rivendosur Schalke 04 në ligën e parë në vitet e ardhshme,” tha ai.
Këtë sezon 23-vjeçari ka luajtur në 17 ndeshje në Bundesligën e dytë, ku ka realizuar një gol dhe ka asistuar një herë. /gazetametro.net
