Pas një ndeshje shumë interesante dhe drame në fund, Ylli ka mundur Pejën me rezultat 84:88 (21:21, 25:24, 18:21, 20:22), për tu kualifikuar në finale të “Play-off”-it.
Më i miri te Peja ishte Deandre Davis me 16 pikë e pesë kërcime, kurse te Golden Eagle Ylli, sërish u dallua Alonzo Verge JR me 25 pikë, shtatë kërcime e shtatë asistime.
Kështu Ylli kaloi në finale, ku do të përballet me Trepçën që ka eliminuar Sigal Prishtinën 3:0 në gjysmëfinale.
E festë e madhe ka nisur në Suharekë, atje ku ka arritur tani edhe skuadra e Yllit.
Shumë tifozë kanë dalë të festojnë këtë sukses me akterët kryesorë.
