Kylian Mbappe dhe e ardhmja e tij do të jenë gjëja më e përfolur gjatë merkatos së verës, me PSG’në dhe Real Madridin që po luftojnë ashpër me njëra-tjetrën për të pasur në ekip yllin francez, shkruan Gazeta Metro.
Mbappe me të vërtetë po mendon të zgjasë karrierën e tij te PSG, ndërsa oferta e Real Madridit duket se ka ftohur avokatët e tij, pasi këta të fundit nuk janë të gatshëm t’i plotësojnë të gjitha kërkesat e 23 vjeçarit.
Sipas El Pais, Mbappe do të përfitojë një bonus marramendës prej 180 milionë eurosh nëse vendos të luajë për Realin, por problemi qëndron te të drejtat e imazhit, pasi që këta të fundit i kanë ofruar atij vetëm 50% të këtyra të drejtave.
Në anën tjetër, PSG i ka ofruar yllit të saj një bonus prej 80 milionë eurosh dhe kontratë vjetore prej 40 milionë eurosh në vitin e parë dhe 50 milionë euro në vitin e dytë.
