Mbrojtësi i Barcelonës, Ronald Araujo i cili pësoi një lëndim të tmerrshëm në sfidën e djeshme kundër Celta Vigos është liruar nga spitali dhe analizat plotësuese kanë qenë të kënaqshme, transmeton Gazeta Metro.
Përmes një komunikate për media klubi i Barcelonës ka njoftuar analizat plotësuese të mbrojtësit, Ronald Araujo kanë qenë të kënaqshme dhe ai tashmë është liruar nga spitali.
Araujo pësoi një dëmtim dje kundër Celta Vigos me ç’rast u detyrua të dërgohej në spital, pas një lëndimi të rëndë në kokë, ndërsa edhe dje ishte njoftuar se gjendja e tij është stabile dhe jashtë rrezikut për jetë.
Në fund skuadra e Barcelonës shënoi fitore me rezultat 3-1 me golat e shënuar nga Memphis Depay dhe Pierre-Emerick Aubameyang i cili realizoj dy herë.
Me këtë fitore katalunasit arrijnë në kuotën e 72 pikëve dhe gjenden në pozitën e dytë, ku kanë shtatë pikë më shumë se Sevilla e cila gjithashtu ka edhe një ndeshje më pak.
