Komentatori i ndeshjeve të CS:GO, James Banks njëherazi edhe menaxheri i ekipit shqiptar, Bad News Eagles përmes një postimi në Twitter ka thënë se sot do të synojnë fitoren ndaj ekipit brazilian, Imperial.
Në një postim në Twitter James Banks ka shkruar se dje ka qenë një ditë e vështirë për BNE por sot është një ditë e re dhe do të provojnë të marrin fitoren në luftën për mbijetesë.
”Dje ishte e vështirë për BNE por sot është një ditë e re dhe një mundësi për të luftuar për mbijetesë. Ne arritëm në Legends Stage dhe tani do të përballemi me Imperial nga Brazili në një ndeshje eliminatore, do të japim gjithçka që kemi,” ka shkruar ai.
Kujtojmë se dje BNE kishte humbur në dy përballjet e para të saj në fazën ‘Legends Stage’ kundër FaZe dhe Copenhagen Flames dhe sot do ta ketë ndeshjen vendimtare ndaj Imperial.
Vlen të theksohet se njëjtë sikur BNE edhe Imperial kanë pësuar humbje në dy ndeshjet e para dhe humbësi i këtij dueli do të eliminohet nga turneu. Megjithatë, në përballjen në kuadër të ‘Challenge Stage’ ekipi shqiptar i kishte mposhtur me rezultat 16-12. /gazetametro.net
