Federata e Futbollit të Kosovës ka njoftuar se Edon Zhegrova, Arijanet Muric dhe Florent Muslija, janë larguar nga grumbullimi i Kosovës.
Kjo me vendim të trajnerit dhe FFK-së.
Sipas tyre, kjo ka ndodhur për shkak të thyerjes së rregullave.
Postimi:
Me vendim të përbashkët të përzgjedhësit Franco Foda dhe Federatës, tre futbollistët: Arjanet Muric, Edon Zhegrova dhe Florent Muslija janë larguar nga grumbullimi i ekipit kombëtar, për shkak të thyerjes së rregullores së ekipit kombëtar të vendosur nga përzgjedhësi dhe Federata. Për masat e mëtejme ndaj futbollistëve në fjalë, do të vendoset nga Komiteti Ekzekutiv i FFK-së. Ndërkohë, ekipit do t’ i bashkohet, portieri që ka qenë në listen e pritjes, Faton Maloku nga FC Drita.
