Trajneri i Liverpool, Jurgen Klopp në intervistën pas fitores së djeshme kundër Southampton përveç që pati fjalë të mira për futbollistët e skuadrës së tij, foli edhe për mundësinë nëse Aston Villa mund ta ndal Manchester Cityn në xhiron e fundit.
Liverpool shënoi fitore shumë të rëndësishme mbrëmë kundër Southampton me rezultat 1-2, ky triumf i dha edhe një mundësi ‘The Reds’ të shpresojnë në garën e ashpër të zhvilluar sivjet për titullin kampion.
Gjermani, Jurgen Klopp u shpreh se nuk do të ketë gjasa që skuadra e drejtuar nga Steven Gerrard të mposht ‘Citizens’ të dielën në shtëpi.
”Sigurisht është e pamundur sepse City luan në shtëpi kundër Aston Villas, e cila luan gjithashtu të enjten. Do të jetë e vështirë kundër Burnley sepse ata po luftojnë për mbijetesë,” tha ai.
Ndër të tjera 54-vjeçari lavdëroi paraqitjen e ekipit të tij, ku dje Klopp kishte vendosur të luante me formacionin e dytë derisa kishte bërë hiç më pak se nëntë ndryshime nga formacioni startues.
”Mënyra se si luajtëm me nëntë ndryshime është e jashtëzakonshme, pashë një paraqitje të bujshme pa ritëm. Mentaliteti pas golit të pësuar të gjithë ishim pak të indinjuar, por djemtë e morën veten,” theksoi ai.
Liverpool së pari duhet të mposht Wolves në ‘Anfield Road’ të dielën dhe të shpresoj se edhe Aston Villa do të mund ta ndal të paktën me një barazim Manchester Cityn, në mënyrë që të shpallet kampion për herë të 20’të në elitën e futbollit anglez. /gazetametro.net
