Këtë fundjavë do të rikthehet Superliga e Kosovës me ndeshjet e xhiros së nëntë, pas angazhimeve që i pati Kombëtarja e Kosovës.
Të premten, të shtunën e të dielën do të luhen pesë ndeshjet e kësaj xhiroje në ligën elitare të futbollit.
Xhiroja e nëntë do të nisë me përballjen mes Gjilanit dhe Ferizajt, e cila do të zhvillohet nesër nga ora 13:00.
Më pas, të shtunën na presin dy takime, shkruan “Gazeta Express”.
Malisheva e pret Prishtinën, kurse Feronikeli 74 do të ketë punë me Dritën.
E të dielën do të kompletohet kjo xhiro me dy përballje të tjera.
Dukagjini në krizë të rezultateve do ta kërkojë këndelljen në ballafaqim me Llapin.
Kurse, Ballkani dhe Suhareka do të luajnë në derbin lokal.
Të gjitha ndeshjet e kësaj jave do të nisin në orën 13:00.